DALAWANG suspected drug pushers ang inaresto ng pulisya matapos maaktohan na nagsasagawa ng pot session sa Brgy. Puerto, Cagayan de Oro City.
Nakapiit na sa detention cell ng Cagayan de Oro PNP ang mga suspek na sina Alvin Sabanal, 18, at Randy Matin-ao, kapwa residente sa Brgy. Ugo ng nasabing lungsod.
Ayon sa pulisya, naaktohan ang mga suspek na nagsasagawa ng pot session sa covered court ng Phase 1, Barangay Puerto.
Dalawang deck ng marijuana ang nakompiska ng mga awtoridad bukod sa mga drug paraphernalia, sumpak, apat na bala, at mga alahas na pinaniniwalaang galing sa pagnanakaw.
(Beth Julian)
