Wednesday , October 5 2022

Implementasyon ng generic law pinipigil ng multinational firms?

Inakusahan ng maliliit na kompanya ng gamot ang mga multi-national firms na pinipigil ang implementasyon ng Republic Act 9502 o ang Universally Accessible Cheaper and Quality Medicine Act of 2008 sa pamamagitan ng pagsasampa ng kaso sa kanila sa ilalim ng umano’y paglabag sa “patent protection law.”

Tatlong kompanya – ang Femma Drug, Ellebasy MedicaleTrading, at Mark Erickson Enterprises — ang ni-raid kamakailan ng mga pulis at ahente ng  National Bureau of Investigation kaugnay ng warrant at seizure order na nakuha ng Merk & Dome sa korte sa Makati dahil umano sa paglabag sa patent right at “ilegal na pagbebenta ng gamot.”

Itinanggi ng tatlong kompanya ang paratang at sinabing generic drugs ang pinagbibili nila at lahat ay nakarehistro sa Food and Drugs Administration (FDA).

“Paano magbibigay ang FDA ng certificate sa amin kung ang ibinebenta namin mga gamot ay ilegal? Ang totoo, malaki ang natitipid sa generic na gamot kaysa mga gamot ng kompanyang multi-national,” ayon kay Mack Macalanggan, tagapagsalita ng grupo.

Sa isang ulat, sinabi ng Merck na nasamsam ng mga awtoridad ng peke at ilegal na gamot na nagkakahalaga ng P15 milyon.

Pinabulaan ito ng tatlong kompanya at sinabing P2 milyon lang ang halaga ng mga gamot na nakuha sa kanila. Ito ay dahil ibinase  nila sa kanilang presyo kaya umabot ng P15 milyon ang mga gamot,” ayon kay Macalanggan.

Noong isang taon, nagsampa rin ng kaso ang Merck laban sa Sahar International Trading at Suhitas kaugnay umano sa paglabag sa generic law.

Sa pahayag ng Sahar at Suhitas, ang sinasabing etoricoxib na anti-inflamatory na gamot ng Merck ay hindi naman patented dahil naiiba ang estrukturang kemikal ng gamot kompara sa kanilang brand.

Paliwanag nila sailalim ng Section 7-M of RA 9502, “ang generic drugs tumutukoy sa mga gamot na may parehong active pharmaceutical ingredient gaya ng sa innovator drugs at hindi nasasakop ng patent protection law.”

Sinabi nila walang preliminary injunction o restraining order ang inisyu ng kahit anong korte na pumipigil sa pagbebenta o pagdistribyut ng etoricoxib, salungat sa ipinakakalat na notice ng Merck.

Ayon kay Macalanggan karapatan ng bawat Pilipino ang makabili at makapili ng murang gamot upang gumaling sa kanilang sakit.

(HNT)

About hataw tabloid

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply