HATAW! D'yaryo ng Bayan hatawtabloid.com
ni Roldan Castro
HINDI sinasadyang makita namin ang isang actress-producer sa isang coffee shop noong Huwebes ng gabi. Tsinika namin siya sa balitang nagpakulong umano siya ng isang director dahil sa kasong estafa. May proyekto umano sila at nakuha na ng director ang budget pero hindi nai-deliver. Dinampot daw sa pinagtataguang probinsiya ang director at dinala sa Camp Karingal.
Balita rin na nakapag-piyansa na ang director nang mahigit na P200,000. May tsismis na isang sikat na aktres na kaibigan ng director ang tumulong sa kanyang bail pero itinanggi niya ito.
Mukhang ayaw ma-involve ng sikat na aktres o ipaalam sa publiko ang pagtulong sa kaibigan lalo’t friends din niya ang pamilya ng actress-producer.
Bukod sa nabanggit na director, mayroon ding isa na napipintong idemanda naman ng isang actor-producer. Malaki na umano ang perang nakukuha ng director sa actor. Sa kasalukuyan, ino-audit daw ito.
‘Pag hindi tama ang listahan niya sa expenses siguradong sa korte rin ang diretso nila. Hanggang ngayon wala pa rin ang sinasabing project ng director na isa sa cast nila ay ang guwapong foreign actor na sikat sa ‘Pinas.
