HATAW! D'yaryo ng Bayan hatawtabloid.com
ni James Ty III
MAY mga narinig kaming feedback na hindi maganda ang programang Marian ni Marian Rivera na napapanood tuwing Sabado ng gabi sa GMA.
Ayon sa aming nasagap na balita, single digits lang ang rating ng show ni Marian dahil nahihirapan ito sa kalaban na The Voice Kids ng ABS-CBN.
Sa aming panonood ng show ni Marian, halatang gaya-gaya ito sa Sunday All-Stars na semplang din sa rating tuwing Linggo kalaban ang ASAP ng ABS-CBN.
In fairness, magaling sumayaw si Marian at maganda ang konsepto ng programa pero ang problema ay hindi na uso ang mga variety show sa primetime.
Ganito rin ang problema ni Sarah Geronimo nang sandali lang ang itinagal ng kanyang Sarah G Live sa Dos noon.
Samantala, narinig din naming na hindi umuubra ang bagong sitcom ng GMA na Ismol Family nina Ryan Agoncillo at Carla Abellana kalaban ang Wansapanataym ng Dos.
Inilipat ng Siete ang Vampire ang Daddy Ko ni Vic Sotto sa Linggo kalaban ang Goin Bulilit ng Dos habang ang Who Wants to be a Millionaire ni Bossing ay nalipat 8:00 p.m. sa TV5 naman.
