JC, nagkakasakit na dahil sa paglalagare sa trabaho

ni Roldan Castro

[divider]

TINATABLAN na ng sakit si JC De Vera dahil sa rami ng trabaho niya sa ABS-CBN 2. Pukpukan din kasi ang taping nila ng Moon of Desire na pinagbibidahan ni Meg Imperial.

Tumindi ang highlight ng MOD dahil magbabago na ang buhay ni Ayla (Meg) lalo pa’t natuklasan n’ya ang yamang inihabilin sa kanya ng ama. Sa pagdating ng yaman ay mapapalitan naman ng pagkawala ng minamahal na si Jeff (JC) dahil mapipilitan si Jeff na magpakasal kay Tamara (Ellen Adarna). Nabuntis kasi ni Jeff si Tamara. Makayanan kaya ni Ayla ito? Malabanan kaya niya ang nararamdaman kay Jeff?

Mas lalong titindi ang tensiyon kapag magtatrabaho na silang tatlo sa isang lugar…

Tsuk!