Friday , May 27 2022

Babaeng warden ng QC, dangal ng bayan

BAGAMAN hindi pa natatapos ang pilian kung sino ang tatanghaling Dangal ng Bayan awardee ng Civil Service Commission sa taong ito, matunog na ang pangalan ni Jail Chief Inspector Elena Rocamora bilang isa sa pinakamalakas na semi-finalist.

Si Rocamora ang kasalukuyang Warden ng female dormitory sa Quezon City na kinapipiitan ang mga babaeng suspek sa samo’t saring krimen. Kilalang down to earth at excellent performer and naturang babaeng opisyal. Ilang parangal na rin ang tinanggap niya mula nang maupo bilang warden ng nasabing piitan. Kailan lang, si Rocamora ay itinanghal na pinakamahusay na kawani ng Bureau of Jail Management and Penology (BJMP) dahil sa kanyang ipinamalas na galing.

Isa sa pinakamagandang proyekto niya ang AlkanSSSya program na ang mga detainee ay naghuhulog kada araw ng barya sa kanilang alkansiya na gugugulin naman para sa kontribusyon nila sa Social Security System. Naniniwala kasi ang opisyal na mahalagang mapaghandaan pa rin ng mga nakapiit ang kanilang kinabukasan lalo na’t sila ay mapatunayang walang kasalanan at tuluyan nang makalaya.

Ang naturang detention center kung saan nakapiit ang mga suspek sa mga kasong dinidinig pa sa hukuman. Dinadala lamang sila sa Bilibid kung napatunayang nagkasala. Ito ang dahilan kung bakit naisipan ni Rocamora na ilunsad ang AlkanSSSya program.

Isa rin ang SSS sa mga sumusuporta sa kanyang pagiging kandidata sa Dangal ng Bayan Award. Ang naturang programa ay inilunsad na rin sa lahat ng piitan sa ilalim ng BJMP sa buong Pilipinas dahil sa magandang ehemplong ipinamalas niya.

Bukod dito, itinanghal din si Rocamora bilang isa sa pinaka-active sa larangan ng livelihood projects para sa mga inmate. Alam ba ninyong siya mismo ang umiikot sa mga Trade Fair para ipakilala at ialok ang mga produktong gawa ng mga babaeng inmate sa QC female dorm?

Kumikita ang mga inmate rito kaya nakapag-iipon sila ng kanilang panghulog sa kanilang AlkanSSSya.

Full support din ang QC local government sa mga proyekto ni Rocamora. Katunayan, ilang project na ang inaprubahan ni Mayor Herbert Bautista para sa naturang jail facility. Dahil dito, malaki ang natipid ng BJMP, mahigit P3 milyon, na nagamit pa sa ibang pangangailangan ng ibang jail unit.

Para sa mga taga SSS, BJMP at mga taga-QC, tunay kang Dangal ng Bayan, Chief Inspector Elena Rocamora.

Hats off! My salute!

Joel M. Sy Egco

About Joel M. Sy Egco

Check Also

Bea Alonzo spain house

Pagbili ng apartment ni Bea sa Spain sisiw lang sa aktres

REALITY BITESni Dominic Rea SISIW lang o barya lang para kay Bea Alonzo ang halaga ng binili …

Xian Gaza Barbie Imperial

‘Lampungan’ sa socmed nina Barbie at Xian saan mauuwi?

REALITY BITESni Dominic Rea MAY patutunguhan ‘yang ‘lampungan’ sa social media o exchange of words …

Cara Gonzales Ikaw Lang Ang Mahal

Cara Gonzales palaban bilang direktor na pokpok

HARD TALKni Pilar Mateo ANO ba ‘yung pinanood ko? Ibang klase talaga itong si Direk Richard …

Sylvia Sanchez Lee Jung-jae

Sylvia nakadaupang palad si Lee Jung-jae

PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na …

Regine Velasquez Moira dela Torre Gary V Chito Miranda

Regine, Moira, Chito, at Gary mga hurado ng Idol Phils Season 2

NAGBABALIK ang pinakamalaking singing competition sa bansa, ang Idol Philippines  sa ikalawang season nito kasama ang minahal …

Leave a Reply