APAT katao, kabilang ang mag-ama, ang namatay nang bumangga sa poste ang sinasakyang truck sa Diadi, Nueva Vizcaya kamakalawa.
Kinilala ang mga namatay na sina Jonathan Camba, anak niyang si Dan Nathaniel; pahinanteng si Edmar Reyes, at ang nag-aabang sa waiting shed na si Jose Rivera.
Sugatan din ang mga binatilyong kasama ng mga nasa truck na sina John Mark Maglente at Joshua Omacam, gayondin ang nasa waiting shed na sina Tranquilino Sambu at Daniel Esporna.
Minamaneho ni Camba ang truck na may kargang buhangin nang mawalan ng kontrol pagdating sa Brgy. Balete, Diadi at bumangga sa poste.
Pagkaraan ay bumangga rin ang truck sa waiting shed na kinatatayuan ni Rivera. (BETH JULIAN)
