Nora, nasaktan nang hindi naging National Artist

ni Pilar Mateo

NAGPAHAYAG na ng kanyang saloobin sa panamagitan ng isang statement ang hindi man biniyayaan ng simbolo ng kanyang pagiging isang National Artist na Superstar na si Nora Aunor, pagpapasalamat sa kanyang mga kababayan, kapwa artista sa industriya, tagahanga, kaibigan, pari, madre, mga guro, taga-Akademya, National Artists, at mga kababayan dito at sa ibang bansa.

Nasaktan man ay natabunan daw ito ng suportang ipinagkaloob sa kanya ng sambayanan.

Ang pagbutihin pa at pag-ibayuhin ang pagiging isang mabuti at marangal niyang Filipino ang siya raw ipagpapatuloy na gawin nito sa paggamit ng kanyang talento.