HATAW! D'yaryo ng Bayan hatawtabloid.com
KAGANDAHAN ng kalooban ang pananaigin ng karakter ni Julia Barretto sa pagtatapos ng top-rating Primetime Bida fantaserye ng ABS-CBN na Mirabella sa Biyernes (Hulyo 4).
Mas iinit ang mga tagpo sa huling linggo ngayong mapatutunayan na sa lahat na si Mira (Julia) ay tunay na anak ni Alfred (James Blanco). Paano aayusin ni Mira ang problema ng kanyang pamilya ngayong patuloy pa rin ang masasamang plano nina Olive (Mylene Dizon) at Iris (Mika dela Cruz) laban sa kanya?
Maituturo niya ba sa mga ito ang importansiya ng kabutihan ng isang tao kaysa panlabas na kaanyuan?
Sa huli, sino nga ba ang makapag-aalis ng sumpang namana ni Mira (Julia) kay Daisy (Dimples Romana)—si Alfred na naging dahilan ng kanyang paghihiganti, o ang tunay na umiibig sa kanya na si Jeremy (Enrique Gil)?
Ang Mirabella ay mula sa direksiyon nina Erick Salud, Jojo Saguin, at Jerome Pobocan mula sa Dreamscape Entertainment Television.
Huwag palampasin ang The Beautiful Ending ng Mirabella ngayong Biyernes na, bago mag-TV Patrol sa Primetime Bida ng ABS-CBN. Para sa karagdagang impormasyon kaugnay ng Mirabella bisitahin lamang ang official social media accounts ng programa saFacebook.com/MirabellaOnline at Twitter.com/MirabellaOnline.
