MULING ikakasa ng iba’t ibang transport groups ang hiling na pagtataas sa pasahe kapag tumaas sa P45.00 ang presyo kada litro ng diesel.
Ayon kay Pasang Masda President Obet Martin, mula P8.50 ay aapela sila sa gobyerno na gawin nang P10.00 ang pasahe sa jeep.
Kapag nagtuloy-tuloy pa rin aniya ang pagsirit ng presyo ng diesel at aabutin ng P50.00 ang kada litro ay igigiit nila na gawing P12.00 ang minimun fare sa jeepney.
Hirap na rin aniya ang mga tsuper ng pampasaherong jeep, hindi lamang ang mga mamayan dahil nag-aaral din ang kani-kanilang mga anak.
(JAJA GARCIA)
