Wednesday , August 10 2022

CCW bumuo ng audit team sa P700-M Albay Fund

BUMUO ng audit team ang isang grupo laban sa krimen upang suriin ang P700-mily0n pondong nakalaan sa scholarship program ng Albay.

Ayon sa Citizens Crime Watch (CCW) kailangan malaman ng taong bayan ang kabuuan ng halagang nagasta mula sa malaking pondo at kung tama nga ang pinuntahan nito.

Kinuwestyon ni CCW Bicol chairman Diego Magpantay ang paggamit ng pondo ng mga opisyales ng probinsya matapos makatanggap ng balitang hindi ganap na nakinabang ang mga mamamayan sa scholarship program ng Albay Higher Education Contributing System (AHECS).

Sinabi ni CCW Secretary General Carlo Magno Batalla, ang audit team ay pangungunahan ni dating Albay Regional Trial Court Judge Amado Calderon at tatlo pang miyembro.

Si Atty. Pete “Bitay” Principe, pangulo ng Philippine Trial Lawyers Association, ang magsisilbing committee legal consultant.

“Nais namin imbestigahan ang AHECS scholarship program para malaman kung may nilabag na probisyon sa Anti-Graft and Corrupt Practices Act at agad mapigilan kung mayroon man,” ani Batalla.

Sinabi naman ni Albay Provincial Administrator Eriberto Lero Berses III na hindi niya tinututulan ang pag-audit sa AHECS dahil wala naman silang itinatago rito.

“Para sa good governance, transparency at public disclosure policy na itinataguyod ni Albay Gov. Joey Salceda, sangayon kami sa audit,” sabi ni Berses sa kanyang sulat kay CCW chairman Jose Malvar Villegas, Jr.

Nakahanda na rin magsampa ng kasong kuropsiyon ang CCW sa mga opisyales ng ilang ahensiya tulad ng Departments of ng Education, Public Works and Highways, and Social Welfare and Development, Philippine National railways, at local government units sa Bicol bilang bahagi ng kampanya ng grupo laban sa korupsyion, ayon kay Batalla.

Magkakaroon ang CCW ng anti-graft congress sa Hunyo 28 sa Naga City, dagdag niya.

About hataw tabloid

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Leave a Reply