SINISIKAP apulain ng mga bombero ang apoy sa nasunog na dalawang warehouse ng tsinelas ng Adriatic Manufacturing sa Industrial Road, Brgy. Karuhatan, Valenzuela City. (RIC ROLDAN)
[divider]
NAABO ang mahigit sa P5 milyon halaga ng mga produkto at ari-arian makaraan tupukin ng apoy ang dalawang warehouse ng tsinelas kahapon ng umaga sa Valenzuela City. Dakong 7:02 a.m. nang magsimulang lamunin ng apoy ang Adriatic Manufacturing na pag-aari ni James Chu, sa panulukan ng Industrial Road, Brgy. Karuhatan ng nasabing lungsod, at pag-aari ng isang James Chu.
Sa ulat ng Valenzuela City Bureau of Fire Protection (BFP), dakong 7:08 a.m. agad nilang itinaas ang alarma sa Task Force Alpha at napigilan ang pagkalat ng apoy sa karatig na lugar dahil napalilibutan ang warehouse ng mataas na pader. (ROMMEL SALES)
