Tuesday , August 9 2022

Abogado utas sa desperadong hostage-taker (PNoy, Obama hiniling makausap bago nag-suicide)

062514_FRONT 062514 hostage taking san juan

HANDA nang lusubin ng mga tauhan ng San Juan City SWAT team ang security guard na ini-hostage ang isang abogado sa loob ng isang gusali sa N. Domingo St., Brgy. Balumbato, San Juan City, nang makarinig ng putok ng baril ngunit naabutan nilang nakahandusay na ang biktima makaraan paputukan ng suspek na nagbaril din sa sarili. (ALEX MENDOZA)

NAGLUPASAY si Jojie Aton nang hindi makombinsing sumuko ang kanyang kapatid na gwardiyang si Charliemaign Aton na ini-hostage si Atty. Solomon Condonueveo sa N. Domingo St., Brgy. Balong Bato, San Juan City. Pinatay ng gwardiya ang abogado at pagkaraan ay nagbaril din sa sarili. (ALEX MENDOZA)

PATAY ang isang abogado makaraan barilin sa ulo ng isang security guard na binaril din ang kanyang sarili sa naganap na 10-oras hostage drama sa San Juan City kamakalawa ng gabi at natapos kahapon ng umaga.

Kinilala ni San Juan City police chief, Sr. Supt. Joselito Daniels ang biktimang si Atty. Solomon Condonuevo, 67, habang ang suspek ay isang Charlemaign Aton, security guard, tubong Dipolog City.

Sa ulat, nagsimula ang insidente dakong 10 a.m. sa N. Domingo St., Brgy. Balumbato, San Juan City.

Nabatid na nagtalo ang abogado at ang gwardiya kaugnay sa nawawalang susi ng sasakyan hanggang magalit ang suspek at ini-hostage si Condonuevo gamit ang kalibre .38 baril.

Tumagal ng sampung oras ang negosasyon kabilang ang paghiling ng sekyu na makausap si Pangulong Benigno Aquino III at si US President Barack Obama, at ang makauwi sa kanilang lalawigan para makausap ang kanyang kasintahan.

Sa kasagsagan ng negosasyon, binaril ng suspek ang abogado at pagkaraan ay nagbaril din sa kanyang sarili.

Nagawa pang isugod sa San Juan Medical Center ang abogado na sinikap sagipin ng mga doktor ang buhay ngunit nalagutan ng hininga dakong 8 a.m.

Napag-alaman, ilang araw nang magulo ang isip ng suspek dahil sa paghihiwalay nila ng kasintahan na nasa kanilang lalawigan. Problemado rin siya sa nalalapit na pagtatapos ng kanyang kontrata sa kanilang security agency.

nina MIKKO BAYLON/ED MORENO

About hataw tabloid

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Leave a Reply