PATAY ang isang pulis habang sugatan ang kanyang misis makaraan tambangan sa Tanauan, Batangas, dakong 6:30 a.m. kahapon.
Agad binawian ng buhay ang biktimang si PO2 Isratuto Bagsik, nakatalaga sa Regional Headquarters Support Group sa Camp Vicente Lim sa Laguna, tinadtad ng bala ng hindi nakilalang mga salarin.
Habang ginagamot sa isang ospital ang misis niyang si Agnes na nadaplisan ng bala ng baril.
Batay sa report, maghahatid sa kanilang apat na mga anak sa eskwelahan ang mag-asawa sakay ng L-300 van nang tambangan ng magkaangkas sa motorsiklong suspek pagdating sa Brgy. Santor.
Swerteng walang nadamay sa kanilang mga anak na nasa pangangalaga ngayon ng Department of Social Welfare and Development-Tanauan City.
Patuloy ang pagtugis ng pulisya sa nakatakas na mga suspek habang inaalam pa ang motibo sa pagpaslang.
(BETH JULIAN)
