LEGAZPI CITY – Sinibak sa pwesto ang 28 chief of police at isang intelligence officer nang mabigong maipasa ang performance target ng pamumuan ng Philippine National Police (PNP) Region 5.
Sa pahayag ni Chief Supt. Victor Deona, regional director ng PNP, ang mga inalis na mga opisyal ang nakadestino sa anim na probinsya sa rehiyon.
Pito aniya ang mula sa lalawigan ng Sorsogon, apat sa Masbate, anim sa Catanduanes, lima sa Albay, apat sa Camarines Sur at tatlo sa Camarines Norte.
Napag-alaman, ang nasabing programa ay bahagi ng Integrated Transformation Program ng PNP na ang mga maaalis sa pwesto ay sasailalim sa refresher course/training. (BETH JULIAN)
