Thursday , June 13 2024

PBB housemate lusot sa damo sa airport

Mariing itinanggi ni dating Pinoy Big Brother Divine Muego Matti Smith na gumagamit siya ng marijuana makaraang tanungin tungkol sa 0.2561 gramo ng pinatuyong dahon na natagpuan sa kanyang binabawing trolley bag sa Lost and Found section ng Ninoy Aquino International Airport (NAIA).

Ayon kay Smith, ang kanyang bag ay ninakaw ng isang taxi driver habang siya ay nasa NAIA terminal 3 noong May 29.

Ayon kay APD – Intelligence and Investigation Division officer in- charge Melchor delos Santos, pumunta sa NAIA nitong Martes ng hapon si Smith para bawiin ang kanyang suitcase na naglalaman ng iba’t ibang damit, black pouch na may toiletries at make ups, Mac Book Air laptop, wooden container, at iba pang bagay.

Pero base sa report ng lost and found section, isang nagngangalang Genaro Luzon, driver ng MSJ Taxi ang nagsuko ng luggage sa NAIA terminal 3 lost and found noong May 29 na napagtanto niyang naiwan o naabandona ng isang pasahero.

Nang magsagawa ng inventory ang mga awtoridad, natagpuan sa loob ng wooden container ang pinatuyong dahon ng marijuana.

Ayon kay APD investigator Reynon C. Flores, lumabas sa resulta na isinagawa ng Philippine Drug Enforcement Agency (PDEA) positibo sa marijuana ang bag ng celebrity.

Ngunit mariing pinabulaanan ni Smith ang marijuana na ikinokonsiderang prohibited drug sa ilalim  ng R.A. 9165.

Aniya, ang bag niya ay ilang araw na niyang hindi nakikita.  “I didn’t smoke marijuana,” ani Smith.

Malayang nakaalis sa tanggapn ng IID si Smith na walang demanda o charges na isinampa laban sa kanya.

(GLORIA GALUNO)

About hataw tabloid

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …

Leave a Reply

Your email address will not be published. Required fields are marked *