BUMAGSAK sa kamay ng mga awtoridad ang isang komander ng Abu Sayyaf Group (ASG) na tumatayong isa rin sa financier ng bandidong grupo.
Ayon kay Philippine National Police – Criminal Investigation and Detection Group (PNP-CIDG) spokesperson Chief Insp. Beth Jasmin, nalambat si Khair Mundos makaraan ang operasyon sa Brgy. San Dionisio sa Parañaque City kahapon.
Si Mundos ay nakatakas noong 2007 sa Kidapawan, Cotabato, nang iligtas ng kanyang mga kasamahan.
Itinuturing na financier ng ASG si Mundos dahil siya ang sinasabing tumatanggap ng pondo mula sa al Qaeda para makapagsagawa ng terroristic activities.
Napag-alaman, may warrant of arrest ang PNP kay Mundos sa mga kasong multiple murder, frustrated murder at iba pa.
May patong din na P1.2 milyon sa ulo si Mundos. (J. GARCIA)
