SAMPUNG tama ng saksak ng ice pick sa katawan ang tumapos sa buhay ng Filipino-Chinese nang pagtulu-ngan saksakin ng magka-patid sa Pasay City, kama-kalawa ng gabi.
Agad dinala sa Ospital ng Maynila ang biktimang si Kristoffer Chan, 36, emple-yado, ng 1745 Cuyegkeng St., pero namatay habang nilalapatan ng lunas ng mga doktor.
Nasakote ng mga tauhan ng Station Investigation and Detective Management Section ng Pasay City Police, ang mga suspek na sina Nel at Randy dela Cruz, ng Barangay 1 Zone 1.
Sa imbestigasyon nina SPO1 Cris Gabutin at PO3 Giovanni Arcinue, mga im-bestigador ng SIDMS, nangyari ang pagpaslang sa isang maliit na tindahan di kalayuan sa bahay ng biktima dakong 10:30p.m.
Sa ulat, nasa tindahan si Chan, bumibili ng sigarilyo nang lapitan ng suspek na si Randy, armado ng ice pick at agad inundayan ng saksak sa iba’t ibang parte ng katawan.
Kahit may tama ang biktima nagawa niyang maka-takbo pero hinabol pa ni Randy hanggang Cuyeg-keng at doon bumagsak nang makita ng isa pang suspek, si Nel (kapatid ni Randy) at tumulong para saksakin si Chan.
Sa himpilan ng pulisya, tumangging magbigay ng pahayag ang magkapatid, nakatakdang sampahan ng kasong murder sa Pasay City Prosecutor’s Office.
(JAJA GARCIA)
