HATAW! D'yaryo ng Bayan hatawtabloid.com
SA kabila ng kampanya ng pamahalaang matigil ang sunod-sunod na kaso ng rape, dalawa na namang dalagita ang natagpuang nakabitin sa puno matapos gahasain ng limang kalalakihan sa isang barrio sa northern India. Batay sa post-mortem report, nagbigti ang magpinsang biktima mula sa low-caste na Dalit community na edad 14 at 15, matapos pagsamantalahan sa kanilang barrio sa Budaun district sa Uttar Pradesh state.
“Lumitaw na ante-mortem ang pagbibigti, na ang ibig sabihin ay nagpatiwakal ang dalawa. Pero iniimbestigahan pa ito bago magkaroon ng konklusyon,” ani Budaun police chief Atul Saxena.
Naaresto ang pangunahing suspek na kinilala sa pangalan lang na Pappu habang pinaghahanap ang apat pang ibang gumahasa sa magpinsan.
Nagbunsod ang insidente ng protesta mula sa pamilya ng biktima at mga residente sa pag-akusa sa kawalan ng aksyon mula sa lokal na pulisya.
Ang rape sa Budaun ay pinakahuli mulang magahasa ang isang dalagita sa West Bengal state at gang-rape ng estudyante sa New Delhi noong Disyembre 2012.
Kinalap ni Tracy Cabrera
