TUTOK lang ngayong Sabado, 9:00-1:00 a.m. sa Gandang Ricky Reyes Todo Na Toh (GRR TNT) para masaksihan ang mga kaganapan sa 2014 Hair and Make Up Trends na taunang kompetisyon sponsored ng Fil-Hair Coop na ginanap sa Metrowalk Tent.
Ang nakatulong ni Mother Ricky Reyes sa paggupit ng ceremonial ribbon ay sina TV host-journalist Ms. Korina Sanchez-Roxas at dating Ilocos Sur Gob. Chavit Singson.
Sa loob ng buong taoy nagdaraos ang Fil-Hair ng regional na paligsahan. Ang mga nagwaging hairdresser at cosmetologist ay dumalo sa Metrowalk Tent upang muling makipagpaligsahan at magwagi ng plake, tropeo, korona, setro, at premyong cash bilang pinakamahusay sa hair cut and color, evening make up, at bridal make up.
Ang mga hurado’y representative ng mga miyembro ng Asia Pacific Hairdressers and Cosmetologists Association tulad ng Japan, Hong Kong, Macau, Sri Lanka, Malaysia, Taiwan, at China.
Ginawaran din ng Fil-Hair ng Dekada Awards ang Ambassador of Fashion na si Renee Salud; International Fashion Awardee Frederick Peralta; at ang Prince of Beats na si Amir Sali bilang pagkilala sa naiambag nila sa mundo ng fashion.
Ang GRR TNT ay prodyus ng ScriptoVision.
