Abogado ni konsi vs mayor utas sa boga

CAUAYAN CITY, Isabela – Patay ang tumatayong abogado ni City Councilor Myla Ping makaraan barilin sa San Gabriel, Tuguegarao City, dakong 8:28 p.m. kamakalawa.

Kinilala ang biktimang si Atty. Isagani Garcia, 35, tubong Tumauini, Isabela at pansamantalang naninirahan sa Alimanao, Penablanca, Cagayan, professor ng Cabagan State University.

Si Atty. Garcia ay tumatayong abogado ni Ping sa kasong graft na isinampa sa Ombudsman laban kay Tuguegarao City Mayor Jefferson Soriano.

Agad naisugod sa pinakamalapit na pagamutan ang biktima para sa kaukulang medikasayon ngunit idineklarang dead on arrival.

Tinambangan ang biktima ng hindi pa matukoy na riding-in-tandem.

Patuloy ang pagsisiyasat ng mga awtoridad hinggil sa insidente.

(BETH JULIAN)