Mag-asawang Septuagenarian lasog sa senglot na driver
CAGAYAN DE ORO CITY – Nasa kustodiya na ng Initao Police Station ang driver na nakabangga at nakapatay ng mag-asawang naglalakad sa Brgy. Tubigan, Initao, Misamis Oriental kamakalawa.
Kinilala ang driver na si Michael Villegas, tubong Malaybalay City, Bukidnon.
Ayon sa report, sumuko si Villegas sa mga awtoridad makaraan mabangga ang mga biktimang sina Alfredo Alabanza, 71, at Richelle Alabanza, 74, pawang residente sa nasabing lugar.
Sinabi ni Insp. Roy Montes, hepe ng Initao Police Station, mabilis ang takbo ng Honda CRV na minaneho ng suspek kaya’t agad namatay ang dalawang biktima.
Una rito, napatunayan ng mga pulis na lasing ang driver nang mangyari ang insidente.
Kasong reckless imprudence resulting in multiple homicide ang nakatakdang isampa sa lasenggong driver.
