TACLOBAN CITY – Patuloy ang puspusang hot pursuit operation ng mga awtoridad sa Calbayog City makaraan makatakas mula sa Calbayog City Jail (CCJ) ang 16 bilanggo dakong 9:45 a.m. kahapon.
Ayon sa ulat, nagsasagawa ng bible study ang mga bilanggo sa piitan nang makatakas ang 16 preso tangay ang inagaw na mga baril na kinabibilangan ng dalawang M16 armalite rifle, shotgun at 9mm pistol.
Napag-alaman, may 87 preso sa loob ng nasabing bilangguan.
Walang nasaktan o napatay sa nangyaring jailbreak.
Sa ngayon, hindi pa nagpapalabas ng ano mang pahayag ang mga namamahala ng CCJ kaugnay sa insidente.
(LANI CUNANAN)
