NALAGUTAN ng hininga ang freelance photographer makaraan pagbabarilin ng riding in tandem habang sakay ng kanyang motorsiklo sa Brgy. Kalawitan, bayan ng San Ildefonso, Bulacan kamakalawa ng gabi.
Ang biktimang si Crisostomo “Boy” Toledo, 45, residente ng nabanggit na lugar, ay tinamaan ng pitong bala sa ulo at katawan.
Sa imbestigasyon ng pu-lisya, dakong 8 p.m. habang pauwi ang biktima mula sa photo session sa graduation rites nang sabayan siya ng dalawang lalaking lulan din ng motorsiklo.
Pagsapit sa madilim na lugar ay bigla na lamang pinagbabaril ng mga suspek ang biktima. (DAISY MEDINA)
