SINAMPAHAN ng kasong tax evasion sa Department of Justice (DoJ) ang kom-panya ng negosyanteng si Cedric Lee na Izumo Contractors (IZUMO) Inc., dahil sa hindi pagbabayad nang tamang buwis para sa taon 2006, 2007, 2008 at 2009.
Ayon kay Bureau of Internal Revenue (BIR) Commissioner Kim Henares, kasong paglabag sa National Internal Revenue Code of 1997 ang kahaharapin ng mga may-ari ng kompanya.
Kabilang sa kinasuhan ng BIR ang presidente ng kompanya na si Lee, ang chief operating officer na si John K. Ong, at chief financial officer na si Judy Gutierrez Lee, may business address sa Ortigas Ave., Quezon City.
Sa imbestigasyon ng BIR, umaabot sa kabuaang P194.47 milyon ang tax liability na kailangang bayaran ng kompanya mula taon 2006 hanggang 2009.
Si Lee, kinasuhan sa pambubugbog kay TV/host actor Vhong Navarro, ay pang 227 na kinasuhan ng BIR sa ilalim ng RATE program ng ahensya.
(LAYANA OROZCO)
