Magsyota pinilit magtalik ng armado (Bebot ginahasa rin ng suspek)

MASUSING iniimbestigahan ng pulisya ang kaso ng magkasintahang sinasabing pinilit na magtalik ng armadong lalaki sa lungsod ng San Jose Del Monte sa Bulacan noong Linggo ng tanghali.

Inihayag ni San Jose Del Monte Police Chief Supt. Joel Estaris, pinaghahanap na ang suspek na inilarawan ng mga biktima.

Ngunit duda ang mga awtoridad sa 21-anyos lalaking sinasabing pinilit ng armado na ma-kipagtalik sa kanyang 17-anyos kasintahan.

“May baril nga, pero mara-ming pagkakataon na pwede siyang tumakas, at humingi ng tulong, sumi-gaw, o i-save ang sarili niya, pero walang ganoon,” aniya.

Sa kabilang dako, inihayag ng lalaking biktima na nagkukwentohan lamang sila ng kanyang kasintahan at isa pa nilang kaibigan sa ilalim ng puno ng Sampaloc noong Linggo ng tanghali nang dumating ang armadong lalaki.

“Biglang may sumulpot na lalaki, tinutukan na kami ng baril. Tapos ayon, pinapunta na kami sa may kawayan, tapos pinagtalik,” kwento ng 21-anyos lalaking biktima. “Sabi ko, hindi ko po kaya. Sabi niya, ituloy kasi puputok ang baril.”

Ayon sa kanya, sapilitan si-yang nakipagtalik sa kanyang 17-anyos kasintahan, at kalaunan ay pinagsamantalahan din ng suspek ang babaeng biktima.

Pagkaraan ay tumakas aniya ang suspek tangay ang bike, cellphone at pera ng magkasintahan.

(KARLA OROZCO)