5-anyos hinalay ng tambay

DETENIDO sa piitang Lungsod ng Malolos ang 44-anyos istambay makaraan ireklamo ng paggahasa sa 5-anyos batang babae sa loob ng bahay ng biktima sa Menzyland Subdivision, Brgy. Mojon, Malolos City.

Kinilala ng pulisya ang suspek na si Orlando dela Cruz, residente rin sa nasabing lugar.

Ayon sa pulisya, bandang 5:30 p.m. nang mangyari ang insidente habang nag-iisa ang biktima sa kanilang bahay.

Nagulantang na lamang ang ina nang madatnan ang suspek habang hinahalikan at pinaghihipuan ang kanyang anak.

Agad nadakip ng mga awtoridad ang suspek sa follow-up operation.

(DAISY MEDINA)