May kasama akong bagitong senador — Jinggoy (Sa dinner kay Tuason sa Malampaya mansion)
IBINUNYAG ni Sen. Jinggoy Estrada, isang bagitong senador na miyembro ng majority bloc ang kasama niyang nakipag-dinner sa Malampaya mansion ni Ruby Tuason sa Dasmariñas Village, Makati City.
Ayon kay Estrada, personal na inimbita sila ni Tuason na mag-dinner sa mansion bago ang May 2013 elections.
Gayunman, agad nilinaw ni Estrada na walang kinalaman sa pork barrel scam ang natalakay sa dinner.
Ngunit tumanggi ang senador na pangalanan ang bagitong senador.
Matatandaan, anim ang naging bagong senador noong 2013 at ito ay sina Senators Grace Poe, Bam Aquino, Sonny Angara, Cynthia Villar, Nancy Binay at JV Ejercito.
Sa anim na senador, sina Poe, Aquino, Villar at Angara ang miyembro ng majority bloc.
Tumanggi na sina Poe at Aquino na nagkaroon sila ng pagkakataon na maka-dinner si Tuason.
(CYNTHIA MARTIN)
