Magsasaka todas, ina sugatan sa boga ng kaanak
NAGA CITY – Patay ang 46-anyos magsasaka habang sugatan ang kanyang ina makaraan barilin ng kanilang mga kamag-anak sa Sitio Tipun-tipon, Brgy. Bulawan, Sipocot, Camarines Sur.
Kinilala ang napatay na si Edmundo Barte y Arcanghel, tinamaan ng bala sa puso.
Habang sugatan ang kanyang ina na si Aurora, 66, tinamaan ng bala sa kaliwang hita.
Batay sa impormasyon ng pulisya, mismong ang mga kamag-anak ng mga biktima ang nasa likod ng krimen.
Tinukoy ang mga suspek na sina Ceazar Arcanghel Evangelista, Arnold Arcanghel Evangelista at Pedro Barte, Jr., y Arcanghel.
Samantala, away sa lupa ang itinuturong sanhi ng pamamaril ng mga suspek na pinaghahanap na ngayon makaraan ang krimen. (BETH JULIAN/
JETHRO SINOCRUZ)
