‘Komedya’ naging trahedya
PATAY sa saksak ang isang ‘komikero’, nang maasar ang isang kabarangay, habang nagpapatawa sa tinatambayang tindahan, sa Pandacan, Maynila, kamakalawa ng hapon.
Sa report sa Manila Police District, kinilala ang biktimang si Dennis Bustamante y Redrico, 41, ng 1901 – K Int. 24 Zamora Street, Pandacan.
Kinilala ang suspek na si Dennis Sangalang, 34, ng 1922 Int. 34 Bario Banana, Zamora Street, Pandacan.
Ayon kay SP01 Richard S. Escarlan, ng MPD-Homicide Section, dakong 3:30 ng hapon nang saksakin ng suspek ang biktima sa harap ng tindahan ng isang Joey Espedillon, sa nasabing lugar.
Salaysay sa pulisya ni Espedillon, likas na komedyante ang biktima at habang nagpapatawa sa harap ng kanyang tindahan ay biglang lumapit ang suspek saka patalikod na sinaksak ang biktima. (l. basilio)
