Thursday , March 28 2024

Benepisyo ng beterano pinapupunuan ni Trillanes

UPANG mapunuan ng gobyerno ang kakulangan sa benepisyo ng mga beterano at retiradong sundalo, isinulong ni Senador Antonio ”Sonny” F. Trillanes ang pagpasa ng Senate Bill No. 166, naglalayong maglaan ng pondo upang agarang mabayaran ng gobyerno ang mga kakulangan sa pensyon at benepisyo ng mga beterano.

Sa pagdinig ng Committee on National Defense and Security, sinabi ng chairman nito na si Trillanes, ”ang Republic Act No. 7696 ay isinabatas bilang pagkilala sa mahalagang papel na ginampanan ng mga beterano sa digmaan at ng mga retiradong militar sa pagprotekta sa bansa. Gayunman, ang ilan sa kanila ay namatay nang hindi napakikinabangan ang mga benepisyo dahil sa kakulangan ng pondo mula sa  gobyerno sapagkat hindi nakasaad sa batas ang pagkukunan ng pondo”.

Dagdag pa ni Trillanes, ang gobyerno ay naglaan ng P170 milyon noong 2010 at P2.9 bilyon noong 2013 para sa pagbabayad ng Total Administrative Disability Pension ng mga beterano noong World War II, na may edad 80 pataas. Gayunpaman, hindi saklaw ng nasabing appropriations ang lahat ng mga beterano, at hindi rin sapat ang halaga nito upang matugunan ang kabuuang obligasyon ng pamahalaan.

Sa ilalim ng SBN 166, ang nasabing kakulangan ay babayaran mula sa kita ng gobyerno mula sa mga ari-arian nito. Sa ilalim ng nasabing sistema, hindi na kakailanganing galawin ng pamahalaan ang taunang pambansang badyet upang tuparin ang konstitusyonal na mandato nito na maglaan nang sapat na benepisyo para sa mga beterano.        (NIÑO ACLAN/

CYNTHIA MARTIN)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *