Para sa mga girls: Bakit hindi nag-o-orgasmo?

BAKIT nga ba nahihirapang makamit ang orgasmo? Narito ang kasagutan . . .

Isinilang bang may mas magandang anatomy?

Mahirap alamin kung ang anatomy nga ng clitoris ang nakaiimpluwensiya sa orgasmo, o kung ang pagkakaroon ng maraming orgasm ay nagpapabago sa anatomy, ipinunto ni Dr. Susan Oakley, isang ObGyn sa Good Samaritan Hospital sa Cincinnati, Ohio.

“Hindi pa rin namin masabi kung ito ang manok o itlog,” ani Oakley. “Ang mga babae bang may malaking clitoris dahil mas marami silang orgasmo? O isinilang ba silang may mas malalaking clitoris na siyang dahilan na mas maganda ang kanilang ‘sexual function’?”

Sa katunayan, ang clitoris ay hindi lamang isang bahagi o estruktura sa katawan ng babae na hugis butones at makikita sa ibabaw ng vagina. Ang ‘clitoral complex,’ na may hugis na boome-rang, ay umaabot sa kailaliman ng balat at kinabibilangan din ng mga bahagi ng katawan na kung tawagin ay ang body, crura, bulb at root.

Posible na ang mas maliit na distansiya sa pagitan ng mga estrukturang ito at ng vagina ang dahilan kung bakit ang clitoris ay mas madaling nabibigyan ng stimulasyon habang nakikipagtalik, dagdag ni Oakley.

Ang visible at external part ng clitoris, na kung tawagin ay glands, ay naglalaman ng libo-libong nerves na nagsisiksikan sa maliit na area, at lumilitaw na ito ang sentro ng sensasyong sekswal.

“Marahil ang malaking clitoris ay may mas maraming nerve ending, at marahil sa direktang contact at stimulasyon ang clitoris ay mas marami ang sensasyon na nagreresulta sa pag-o-orgasmo,” aniya,

(Tatapusin bukas)

Kinalap ni Sandra Halina