PDAF scam hearing dapat araw-arawin — Cayetano
IMINUNGKAHI ni Senate Majority Leader Alan Peter Cayetano na magsagawa ng araw-araw na pagdinig kaugnay sa pork barrel scam.
Sakaling mangyari ito, sinabi ni Cayetano na mas mapabibilis ang proseso at mareresolba ang kaso bago magpalit ng termino sa 2016.
Bukod dito, iminungkahi rin ni Cayetano sa Korte Suprema na magtalaga ng special criminal court para rito.
“Isang pwedeng maging legacy ng ating Supreme Court ngayon ay ang pagsasagawa ng continuous trial nang mapabilis ang hearing ng lahat ng ito ‘pag nakarating ito sa korte,” ani Cayetano. (NINO ACLAN)
