Friday , March 29 2024

Bukol ni Napoles nalipat sa matris

022714 napoles

SI Janet Lim Napoles, sinasabing utak ng pork barrel scam, habang sinusuri ng doktor sa Philippine National Police General Hospital sa Camp Crame, Quezon City. (RAMON ESTABAYA)

AGAD ibinalik sa kanyang detention facility sa Fort Sto. Domingo sa Sta. Rosa Laguna ang kontrobersyal na negosyanteng si Janet Lim-Napoles matapos ang ilang oras na medical check-up sa Camp Crame.

Tiniyak ni Chief Supt. Alejandro Advincula, Jr., hepe ng PNP-Health Service, ‘hindi alarming’ ang kondisyon ng kalusugan ni Napoles.

Aniya, may cyst si Napoles sa kanyang uterus ngunit hindi ito maituturing na life threatening.

“Yung bukol po na nakita noon ay hindi namin nakita ngayon. Initially ang impression doon ay right ovarian cyst, ngayon naman may bukol pero hindi naman sa ovary, sa may uterus naman,” saad ni Advincula. (DANG GARCIA)

P120K GASTOS SA BIYAHE NI NAPOLES

UMABOT sa P120,000 ang ginastos ng PNP sa muling paglabas ni pork barrel scam leader Janet Lim Napoles sa kanyang kulungan sa Fort Sto. Domingo, Sta. Rosa, Laguna kahapon para sumailalim sa medical check-up sa Kampo Crame.

Ayon kay PNP PIO chief, Chief Supt. Reuben Theodore Sindac, ang nasabing gastos ay ginamit para sa pagkain ng police personnel na nag-escort kay Napoles, gasolina at para sa iba pang mga gastusin papunta ng Camp Crame at pabalik ng Fort Sto. Domingo.

Aminado si Sindac na lahat ng transportation expenses ay mula sa operational fund ng PNP.

Dagdag ng opisyal, dahil may banta sa buhay ni Napoles na ikinokonsiderang high risk detainee ay kailangan i-maximize ang bilang ng security escorts.

NAPOLES ILIPAT SA REGULAR JAIL — CHIZ

MULING nanawagan kahapon si Senador Francis “Chiz” Escudero na ilipat na si Janet Lim Napoles sa regular jail bunsod ng hindi ‘pagkanta’ kaugnay sa kinasasangkutang multi-billion-peso pork barrel scam.

Si Napoles, itinuturing na mastermind scam, ay kasalukuyang nakapiit sa Fort Sto. Domingo sa Sta. Rosa, Laguna dahil sa kasong serious illegal detention charge na isinampa ni whistleblower Benhur Luy.

Sinabi ni Escudero, si Napoles, nahaharap din sa kasong plunder sa Ombudsman kaugnay sa scam, ay hindi na dapat pang ikulong sa Fort Sto. Domingo.

Ipinunto ni Escudero, kung totoo ang sinasabi ni Napoles na wala siyang nalalaman kaugnay sa pork barrel scam katulad ng sinabi niya sa kanyang pagdalo sa Senate Blue Ribbon Committee noong nakaraang taon, wala siyang dapat na ikatakot sa kanyang buhay.

“Hanggang ngayon ang panawagan ko at hiling ko dapat ilagay na sa ordinaryong kulungan si Napoles. Dahil ang pagkakaunawa ko kaya siya inilagay at tinago doon dahil magsasalita siya laban sa makapangyarihang tao sa gobyerno,” ani Escudero.

“E hindi naman pala siya magsasalita at wala naman pala siyang naaalala, ‘e ‘di sinong mananakit sa kanya?” dagdag pa ng senador. (CYNTHIA MARTIN/NIÑO ACLAN)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *