Friday , March 29 2024

Derek Ramsay, hindi marunong mang-ahas ng babae

ni  Nonie V. Nicasio 

       

GAGANAP si Derek Ramsay bilang balikbayang na-in love sa may asawa sa pelikulang pang-TV ng Studio5 Original Movies na pinamagatang Bawat Sandali.  Ito ang pang-grand finale sa naturang love month series ng TV5 na mula sa pamamahala nina Direk Joel Lamangan at Eric Quizon.

Kung dito ay gumanap si Derek bilang ‘the other man’ ni Angel, sinabi ng hunk actor na in real life ay hindi pa niya naranasan ito. “None that I’ve known of. So, let’s just keep it at that para masaya,” nakatawang wika niya.

“No, I’ve never experienced anything like that. Hindi ako ahas, kapag may boyfriend, stay away, stay away,” dagdag pa ni Derek.

Nagkuwento pa si Derek tungkol sa Bawat Sandali. “It’s a movie made for TV, dito ay mai-in-love ako kay Angel. Si Angel naman parang magkakaroon siya ng moment of weakness, parang may problema ‘yung marriage niya.

“So, when I bumped into her, I naturally get attracted… may mangyayari and she will feel guilty after may nangyari sa amin. In the process, lalayo siya sa akin at hahabulin nang hahabulin ko, dahil na in-love nga ako and then malalaglag nga ako sa bintana. And then akala niya patay na ako, but buhay pa pala ako.

“So, she disposed of the body, of course she didn’t want to ruin her marriage and then nahanap ‘yung katawan ko, buhay pa pala ako. So, I come back, pero ‘pag balik ko, wala na akong maalala,” mahabang kuwento ni Derek.

Ang Bawat Sandali ay mapapanood na bukas, February 25, sa ganap na 8 ng gabi. Bukod kay Derek, ito’y tinatampukan din nina Angel Aquino, Yul Servo, Mylene Dizon, Phillip Salvador, Mon Confiado, at iba pa.

Maribel Aunor, gusto nang tuldukan ang tampuHan kay Guy

NAKAHUNTAHAN namin last Friday ang mag-inang Maribel at Marion Aunor sa isang restaurant sa Serendra, Bonifacio Global City. Dito ay inusisa namin si Maribel hinggil sa tampuhan nila ng pinsang si Nora Aunor.

Para sa dating teenstar noong 70’s, naniniwala siyang darating din ang panahon na magkaka-ayos sila ni Nora. ‘Ika nga, blood is thicker than water at pareho daw sila ni Nora na kapag nagkita ay parang wala lang nangyari.

Ang problema lang daw ta-laga, ang mga taong nagpapara-ting ng kung ano-anong maling balita sa Superstar, kaya nagkaroon sila ng tampuhan ng kanyang pinsang buo.

“Sa aming angkan kasi, ang sinasabi kapag ganyang mayroong mga tampuhan, dapat daw na mas maunang magpakumbaba o lumapit ang mas nakababata. Ang kaso naman, ang pagkaalam ko ay sobrang busy ngayon si Ate Guy and ako naman din minsan, matigas ang ulo ko,” nakatawang saad ni Lala.

“Kasi din naman, si Ate Guy, kapag naunahan ‘yan ng sumbong ng iba, naniniwala. Pero ‘pag naman nagkita kayo ni Ate Guy, parang walang nangyari, ganoon siya. Ang gusto ko na lang iparating kay Ate Guy ay magkamag-anak kami. Kilala naman niya ako, kami na lang dalawa ang mag-usap.

“Huwag siyang maniwala sa mga parating na salita ng ibang tao. Kilala naman niya ako, na hindi naman kasi ako plastik na tao na maglilihim ng kung ano ang nasa kalooban ko. Si Ate Guy din naman, hindi rin naman siya plastik na tao e.

“Kung nagkaroon kami ng gusot, isipin din naman niya ang magaganda naming pinagsama-han noon,” esplika pa ng isa sa dating stars ng Apat na Sikat.

Nabanggit pa ni Ms. Lala na dapat ay ninang ni Marion si Ate Guy. “Nang ipinagbubuntis ko pa nga lang si Marion, si Ate Guy mismo ang nagsabi sa akin na gusto raw niyang maging ninang ng magiging anak ko. E kaso nga, hindi natuloy. Kaya nang binyagan si Marion, hindi ko na lang inilagay ang pangalan ni Ate Guy sa listahan ng mga ninang ni Marion.”

Isa pang nabanggit ni Lala ay ang 84-year old niyang mother na si Mamay Belen na siyang unang naging mentor/handler ni Nora noong nagsisimula pa lang sa showbiz ang award winning actress.  Si Mamay Belen din ang kumupkop kay Nora nang pumunta ito sa Maynila at nagdala sa Tawag ng Tanghalan.

Hinahanap-hanap daw ni Mamay Belen si Guy. Nagtataka raw ang mother niya kapag napapanood si Guy sa TV.  “Kapag ini-interview si Ate Guy sa TV at napapanood ni Mamay, sabi niya, ‘Bakit hindi na ako nababanggit ni Guy?’”

Kaya inalis na lang daw nila ang TV sa room ng kanyang mother.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *