Tuesday , January 31 2023

Echo, ang galing-galing umarte (ABNKKBSNPLAko, buhay estudyante ang tema)

ni Reggee Bonoan

Naaliw kami sa pelikulang ABNKKBSNPLAko dahil naalaala namin noong kami ay nasa elementarya at hay-iskul lalo na sa mga kalokohan nina Jericho Rosales bilang si Roberto ‘Bob’ Ong, Meg Imperial, at Vandolph Quizon na katulad din ng ginawa namin noon na mahilig ding mam-bully at maglakwatsa, bukod pa sa nahuli rin kaming natutulog o kaya ay dumadaldal pa sa klase kaya naman laging ipinatatawag ang magulang namin sa Principal’s office.

Ang pagkaka-iba lang ay matino na kami noong hay-iskul dahil halos lahat ng kaklase namin ay mahilig mag-aral kaya naman parating inilalaban sa kontes ang klase namin na parati namang number one.

Natatawa naman kami sa eksenang kunwari ay gagawa ng assignment sina Echo at Meg, ‘yun pala manonood muna sila ng sine dahil ginawa rin namin iyon at ang pinanood namin ay Saturday Night Fever (1977) at Grease (1978).

Ang galing-galing talagang umarte ni Echo lalo na noong halikan siya ng kanyang special someone niyang si Andi na kamukha ng nanay niyang si Jaclyn Jose.

Ang galing ng facial expression ni Echo habang kinikilig noong halikan siya ni Andi, ha, ha, ha.

Okay din si Meg bilang binasted siya ng crush niyang si Echo kaya nagpaka-tibo na lang siya at kaliwa’t kanan ang dyowang babae.

Natuwa rin kami kay Vandolph na walang ginawa kundi mag-work out pero hindi naman nababawasan ng taba dahil panay naman ang kain ng isang galong ice cream.

Buhay estudyante ang tema ng ABNKKBSNAPLAko kaya’t makaka-relate ito sa mga mag-aaral at panoorin nila ito para may matutuhan din sila tulad noong tumuntong na si Bob Ong sa kolehiyo na tila hindi pa siya handa kaya’t dalawang taon siyang nagloko.

Ilang taon muna ang pinalipas ni Bob Ong bago siya nakatapos ng pag-aaral at naging guro sa eskuwelahang pinag-gradweytan niya ng hay-iskul.

At ang ganda ng soundtrack ng ABNKKBSNAPLAko at tiyak na mahal ang pagkakabili rito ng Viva Films na bumagay talaga sa pelikulang idinirehe ni Mark Meily.

Bukod kina Echo, Meg, Vandolp, at Andi ay kasama rin sina Bing Pimentel, Julio Diaz, Giselle Sanchez, Jake Castillo, Gino Padilla at iba pa.

About hataw tabloid

Check Also

Lito lapid Jessie Chua Mark Lapid

Sen Lito Lapid ‘di pwedeng kalimutan ang showbiz

COOL JOE!ni Joe Barrameda NAKAKA-TOUCH naman si Sen. Lito Lapid. Matagal pa ang Valentine pero parang …

aldub alden richards Maine Mendoza

Alden itinangging ikinasal at may anak kay Maine

RATED Rni Rommel Gonzales SA wakas ay nagsalita na at tinapos na ni Alden Richards ang walang …

Vin Abrenica Sophie Albert

Vin Abrenica at Sophie Albert ikinasal na

MATABILni John Fontanilla NAG-ISANDIBDIB na noong Miyerkoles sina Vin Abrenica at Sophie Albert makaraan ang ilang taong pagsasama. Hindi …

Cassy Legaspi Darren Espanto

Cassy aminadong boyfriend material si Darren

MA at PAni Rommel Placente MAGKAIBIGAN nga lang ba sina Cassy Legaspi at Darren Espanto kahit na madalas silang …

Jeremy Luis Marikit

Ex-Starstruck Jeremy Luis muntik mag-quit sa showbiz

MATABILni John Fontanilla HANDANG-HANDA na muling mag-focus sa kanyang showbiz career ang guwapong dating Starstruck Batch 7 …

Leave a Reply