Sunday , January 29 2023

51.9-M Yen kompiskado sa Japanese

 022014 boc yen

51.9-M YEN. Ipinakikita nina Bureau of Customs-Enforcement Security Services Director Gen. Willie Tolentino at BoC-NAIA District Commander, Lt. Regie Tuazon ang 51.9-M Japanese Yen na dala ng Japanese national na si Yoshiaki Takahashi matapos harangin sa NAIA Terminal 1 ng tauhan ni Customs Police Division, NAIA  District Commander, Lt. Sherwin Andrada bunsod ng paglabag sa Tariff and Customs Code of the Phillippines kaugnay ng hindi pagdedeklara ng dalang pera na sobra sa pinahihintulutan ng bansa.                                                   (BONG SON)

PINIGIL sa Ninoy Aquino International Airport (NAIA) ang isang pasaherong Japanese national makaraang makompiskahan ng malaking halaga ng Japanese Yen na hindi niya idineklara.

Ayon kay Bureau of Customs District III Collector Edgar Macabeo, dumating sa NAIA nitong Martes ng gabi si Yoshiaki Takahashi, 50, negosyante ng Tokyo, lulan ng Japan Airlines flight 745 na may dalang 51.9 milyon yen.

Nabatid na si Takahashi ay lango sa alak nang makompiska ang kanyang pera sa lane ni Customs examiner Ninia P. Beltran.

Paliwanag ni Takahashi sa Customs, hindi niya alam na mandatory na ideklara ang dalang malaking halaga pagdating sa Filipinas.

Sinabi ni Takahashi, nagdala siya ng pera sa bansa para magtayo ng negosyo.

Ayon kay Macabeo, hindi illegal ang magdala ng malaking halaga ng currency sa Filipinas kung ito ay idedeklara pagtuntong ng banyaga sa NAIA.

Nahaharap sa kasong paglabag ng Central Bank regulations at Philippines tariff code sa Pasay City Prosecutors Office si Takahashi.

(JSY)

About hataw tabloid

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply