Thursday , January 20 2022

DoJ dapat nang busisiin ang piskalya sa Pasay City

00 Bulabugin JSY
DESMAYADO ang mga imbestigador sa Pasay City police nang ibasura ni Pasay City Assistant City Prosecutor Allan Mangabat ang kaso laban sa pito-kataong miyembro ng ‘TERMITE GANG’ na nagtangkang pasukin ang pawnshop sa pamamagitan ng pagpasok sa imburnal at paggawa ng daan patungo sa establisyemento.

Sa resolusyon ni Fiscal Maharbat ‘este’ Mangabat, mahina raw ang naging basehan ng pulisya sa pagsasampa ng mga kasong attempted robbery, malicious mischief at alarm and scandal kaya’t iniutos ang pagpapalaya sa naarestong mga suspek na sina Mark Campus, Florentino Manuel, Jr., magkapatid na Rodrigo at Rolando Yumul, Armando Leonardo, Jr., Marlito Segura, at Marlon Zafe.

Dahil mahina umano ang ebidensiya, ang naging kaso ng pitong no-toryus na kawatan ‘e “attempted trespassing.”

Anak ng tokwa!!!

In short, nakapagpiyansa ang mga kawatan at malamang ‘e hindi na magpakita ang mga ‘yan sa piskalya.

At ang pinakamalaking posibilidad ‘e ipagpatuloy nila ang operasyon nila ng pangangawat sa pamamagitan ng pagsira sa kalsada at imburnal na pag-aari ng gobyerno.

Mantakin ninyo, ang linaw ng ebidensiya sa kasong malicious mischief (paninira ng propriedad ng ibang tao o ng gobyerno) pero mahina pa raw ‘yun?!

Kapag nagreklamo na raw ang Metropolitan Manila Development Authority (MMDA) saka na lang daw iimbestigahan ulit ang kasong malicious mischief.

‘Yung alarm scandal naman daw, ‘e hindi naman pwedeng isampa dahil wala naman naistorbo dahil nasa loob nga ng imburnal.

Bwahahahahaha!!!

Kakaiba talaga ang piskalya sa Pasay. Dadaigin ninyo ang mga komedyante sa comedy bar!?

Kunsabagay, ano pa nga ba ang ipagtataka natin, ‘e ‘yung Chinese national nga na nanghabol ng saksak, nahulihan ng sandamakmak na baril at deadly weapon, meron pang sachet ng shabu ‘e nakuha pang bigyan ng piyansa.

‘Yan pa kaya, na mismong si Fiscal Maharbat ‘este mali’ Mangabat na ang nagbigay ng ‘MGA RASON’ para maging ‘attempted trespassing’ lang ang kaso.

SONABAGAN!

Justice Secretary Madam Leila De Lima, pakibusisi lang po ang piskalya ninyo sa Pasay City, kawawa naman ang mga naagrabyado dahil sa ganyang klaseng pagdedesisyon nila.

Lalo na ‘yung piskal na sugapa sa Resorts World casino at Midas casino.

Naku ‘e mukhang babahiran ng batik ng piskalya sa Pasay City ang karera mo sa DoJ, Madam Leila.

Tsk tsk tsk …

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply