Saturday , January 28 2023

‘Miscalculation’ ikinatwiran ng Florida bus managemenet

Isinisisi ng Florida Transport sa makapal na ulap at makipot na daan ang pagkalaglag sa bangin ng isa sa mga bus na ikinamatay ng 15 pasahero kabilang ang komedyanteng si Tado Jimenez nitong Pebrero 7.

Ayon kay Atty. Alexander Versoza, legal counsel ng Florida Transport, miscalculation lang ang naganap dala ng makipot na daan at makapal na ulap.

Pero base sa inisyal na imbestigasyon ng awtoridad, posibleng nawalan ng preno ang bus nang dumaan ito sa mabatong lugar hanggang nalaglag sa bangin.

Dumipensa ang kampo ng Florida na hindi sanhi ng aksidente ang pagkakaroon ng loose brake ng bus.

Giit nito, may maxi-brake system ang kanilang mga bus na nagsisilbing back-up sakaling mawalan ito ng preno o masiraan ng makina.

Tiniyak din ng drayber ng bus na si Edgar Renon, wala siyang pagkukulang sa naganap na insidente.

Pinaabot pa rin ng prangkisa ang pakikiramay at humihingi sila ng pang-unawa  mula sa pamilya ng mga namatay at sa mga nasugatan.

“Du’n sa mga biktima lalo na sa pamilya nung mga namatay, humihingi ng pang-uunawa ang kompanya, nagkataong aksidente ito. On the other hand, nakikipagtulungan ‘yung kompanya para sa mga pangangailangan nila.”

Sinagot ng kompanya ang mga bayarin sa ospital at pamasahe ng mga naaksidente pabalik ng Maynila at inasikaso na ang dalawa sa mga namatay at naiuwi na sa Samal at Davao.

PLAKA TINANGGAL NA

INUMPISAHAN nang tanggalin ng Land Transportation Franchising and Regulatory Board (LTFRB) sa mga plaka ng bus units ng GV Florida Bus, matapos ang aksidenteng kinasangkutan ng kanilang bus.

Si LTFRB Chair Winston Ginez ang nanguna sa pagbabaklas ng mga plaka sa terminal ng bus sa Sampaloc, Maynila.

May kabuuang 208 units ang Florida Bus pero 27 lang ang nasa Sampaloc dahil ang iba’y nasa mga terminal sa probinsya.

Dadalhin ang mga bus sa Land Transportation Office (LTO) compound  para isalang sa road worthiness test habang isasailalim ang mga drayber sa drug test at seminar.

Ani Ginez, sisikapin nilang madesisyonan ang kaso ng Florida Bus bago matapos ang 30-araw preventive suspension ditto.

Inaalam din ng LTFRB ang umano’y pagiging kolorum ng bus na nahulog sa bangin dahil nakapangalan ito sa Mt. Province Cable Tours na kinompirma ni Atty. Alexander Versoza, legal counsel ng Florida bus, ay pag-aari ang Mt. Province Cable Tours ni Norberto Que, Sr.

Tiniyak ng Florida Bus na haharapin nila ang kaso.

About hataw tabloid

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply