Iniwan ng Pinay GF Dutch nat’l nagbigti
KALIBO, Aklan – Nagbigti ang Dutch national sa comfort room ng isang apartelle sa isla ng Boracay.
Natagpuan nakabitin at wala nang buhay sa CR ng English Bakery Apartelle ang biktimang si Geritt Van Straallen, 63, ng Netherlands.
Sa inisyal na imbestigasyon ng pulisya, may nakitang suicide note sa area at nakasaad dito kung gaano kamahal ng biktima ang kanyang nobyang Filipina na si Leizel Camello, 26, ng Lahug, Cebu City, gayondin ay may mensahe siya para sa kanyang mga anak.
Napag-alaman na umuwi sa Cebu ang kanyang nobya dahil nagkaroon sila ng hindi pagkakaunawaan ngunit natuklasan na lamang na nagpakamatay na pala ang dayuhan.
