Friday , March 29 2024

Petron itatabla ang serye (Game Four)

PANABLA ang habol ng Petron Blaze sa salpukan nila ng Rain or Shine sa  Game Four ng best-of-seven semifinals series ng PLDT myDSL PBA Philippine Cup mamayang 8 pm sa Smart Araneta Coliseum sa Quezon City.

Dinurog ng Boosters ang Elasto Painters, 106-73 sa Game Three noong Sabado para sa kauna-uahang panalo kontra Rain Or Shine sa season na ito. Angat pa rin ang Elasto Painters sa serye.

Magugunitang tinalo ng Rain or Shine ang Petron noong Disyembre 21 at nanaig sa unang dalawang game ng semis.

“It feels good to finally get our first win in the semis,” ani  Petron Blaze coach Gelacio Abanila III.

Maaga palang ay idinikta na ng Petron ang Game Three at nakalamang, 30-12 sa katapusan ng first quarter.

Sa yugtong iyon ay pumasok ang mga three point shots nina Arwind Santos, Chris Lutz, Marcio Lassiter at Alex Cabagnot at hindi nagpilt sa kanyang opensa si June Mar Fajardo.

Dahil doon ay nahirapang mag-adjust sa depensa ang Rain or Shine.

Bukod doon ay napigilan din ng Petron ang running game ng Elasto Painters.

Nakatulong din sa magandang opensa ng Petron sina Doug Kramer at Chris Ross. Sa kabilang dako, pumugak naman nang husto ang opensa ng Rain Or Shine.

Sina Jervy Cruz at Jeff Chan ay gumawa lang ng tig-isang puntos, Sina Ryan Arana at Gabe Norwood ay nalimita sa tig-walong puntos.

Ang Elasto Painters ay pinamunuan ng mga big men nila. Nagtala ng 14 puntos si Beau Belga samantalang gumawa ng tig-sampu sina JR Quinahan at Raymond Almazan.

Umaasa si coach Joseller “Yeng” Guiao na makakabawi ang Rain Or Shine sa pagkatalo at mapipigilan na makatabla ang Petron. Sakaling makatabla ang Boosters ay malilipat na sa kanila ang momentum. Hangad ni Guiao na maihatid muli sa Finals ang Rain or Shine upang mabuhay ang pag-asang makamtan niya ang kauna-unahang kampeonato niya sa Philippine Cup.

Ang magwagwagi sa seryeng ito ay makakalaban ng mananalo sa serye ng Barangay Ginebra San Miguel at San Mig Coffee sa best-of-seven Finals.

(SABRINA PASCUA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *