HATAW! D'yaryo ng Bayan hatawtabloid.com
PACKAGE deal ba sina Anne Curtis at Andi Eigenmann since pareho silang talent ng Viva?
Kaya namin ito naitanong ay dahil kasama na ang Anak ni Zuma sa Dyesebel at ito ang huling napagdesisyonan sa meeting kahapon lang ng ABS-CBN management.
Nagulat kami dahil katatapos lang ni Andi ng serye niyang Anak ni Zuma bilang si Galema tapos heto at may kasunod na kaagad siyang teleserye?
Hindi lang alam ng aming source kung ano ang papel ni Andi pero para sa amin ay imposibleng mabait siya rito dahil hindi naman bagay sa kanya ang maging mabait, ‘di ba ateng Maricris?
Bongga naman ni Andi dahil nakakatawid siya sa iba’t ibang unit, huh, sabagay, sa Dreamscape naman siya nagsimula rati, remember Prinsesa ng Banyera na introducing pa lang siya noon at makapal pa ang buhok niya.
At sinundan ng Agua Bendita na talagang super hit ito kaya naman maski na pasaway siya sa tapings ay talagang binibigyan pa rin siya ng project.
“Misunderstood lang lola mo, alam mo na, pero magaling umarte kasi at love at rater siya ‘day kaya roon mo na lang ibabase” katwiran sa amin ng taga-Dos.
Reggee Bonoan
