Pulis-Intel tigbak sa tandem

NAKAALARMA man ang krimen sa Metro Manila makaraang ma-ambush ng riding in tandem ang tauhan ng Pasig-PNP, isang araw matapos patayin ang  alkalde ng Zamboanga del Sur at 3 iba pa, isa pulis ang itinumba sa tapat mismo ng kanilang bahay sa Pasig City.

Kinilala ang biktimang si SP03 Graciano Dolosata, 55- anyos, naka-assign sa Intelligence Unit ng Pasig City Police, nakatira sa Brgy., Bambang, sa lungsod.

Mabilis na tumakas ang dalawang suspek na ang isa ay naka-bonnet at naka-sombrero naman ang drayber ng motorsiklong walang plaka. Sa imbestigasyon ng pulisya,  dakong  7:00  ng umaga kalalabas lang ng bahay ng biktima para pumasok sa trabaho nang lapitan ng 2 katao sakay ng motorsiklo sa Brgy., Bambang saka pinagbabaril.

Nang matiyak na patay na ang target, agad tumakas ang mga suspek. Bagama’t may CCTV camera sa pinangyarihan, malabo ang kuha ng footage nito.Nagsasagawa na ng follow-up operation ang awtoridad at inaalam  ang motibo sa pamamaslang.

(ED MORENO)