Friday , March 29 2024

Sabwatan sa power hike bubusisiin (Meralco, ERC, power suppliers lagot)

121813_FRONT

Sabay-sabay na igigisa ngayon sa Senado ang mga pinagdudahang nagsabwatan para patawan simula ngayong Disyembre hanggang Marso ng karagdagang singil na P4.15/kwh ang milyon-milyong electricity consumers sa Metro Manila at mga karatig na lalawigan.

Nanguna sa listahan ng mga ipinatawag ng Senate energy committe na pinamunuan ni Sen. Sergio Osmena ang hepe ng Energy Regulatory Commission na si Zenaida Ducut dahil sa umano’y kabiguan ng ahensiya nito na pigilin ang electricity rate adjustment ng Meralco na pinaniwalaan ng mga mambabatas at advocacy groups na bunga  ng “planadong sabwatan” para magkamal ng sobrang tubo sa panahong naghihirap ang buong bayan.

Ayon kay Justice Sec. Leila de Lima, ang sabwatan o collusion para itaas ang singil sa koryente ay pasok sa anti-trust law at restraint of trade and unfair business practice. “Definitely collusion is illegal kaya tutugon ang DoJ sa panawagang imbestigahan kung mayroon ngang sabwatan ang Meralco at anim na power producers at maging ng ERC,” pahayag ni De Lima.

Sa Senado, inaasahang madidiin ang ERC sa pagbusisi kung bakit nabigong protektahan ang interes ng milyon-milyong power consumers at sasagutin din ang bintang ng ilang mambabatas na umakto ang nasabing ahensiya bilang rubber stamp ng Meralco at malalaking suppliers ng koryente.

HATAW News Team

MVP’s MERALCO PAPANAGUTIN DIN

Madiin ang panawagan ng maraming advocacy group at mambabatas na papanagutin din ang Meralco, na pag-aari ng negosyanteng si Manny V. Pangilinan, dahil wala umanong pakundangan sa pagpataw ng dagdag-singil sa koryente samantala kumita ang nasabing ahensiya ng aabot sa 30 bilyong piso nitong magkasunod na 2012 at 2013.

“Hindi ito ang unang pagkakataon na obyus ang pagpabor ng regulatory  agencies  sa  mga kompanya ni MVP tulad ng Meralco power increase na agad tinanguan ng ERC, “ mariing pahayag ng naghihinalang mga mambabatas at advocacy groups.

Ayon sa kanila, maging ang Philex Mining Corp., ng grupo ni MVP ay pinagmulta ng isang bilyong piso lamang sa duming ikinalat sa Padcal mining site malapit sa Baguio noong Agosto 2012, samantala sinabi ni Osmena na dapat magbayad ang kompanya ni MVP ng P40 bilyon dahil sa laki ng pinsalang idinulot nito sa Inang Kalikasan.

“Ang ilan pang kompanya ng grupo ni MVP na pinapaboran ng government regulators ay ang PLDT-Smart na sa kabila ng mga pagdududa ng kalabang telcos ay laging binibigyan ng mataas na rating ng NTC sa quarterly benchmarking test nito; at ang umano’y paborableng foreign ownership guidelines na inilabas din ng SEC para sa PLDT,” anila.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *