HATAW! D'yaryo ng Bayan hatawtabloid.com
NA-COMATOSE ang isang 16-anyos high school student makaraang lumaban sa boxing match sa regional athletics tournament ng Department of Education sa Iba, Zambales nitong Lunes.
Sa inisyal na ulat, si Jonas Joshua Garcia, 16, ng San Miguel, Bulacan ay lumaban sa boxing match sa Central Luzon Regional Athletic Association meet ngunit dumaing ng pagkahilo sa ikalawang round.
Agad ipinatigil ang laban at isinugod si Garcia sa provincial hospital.
Ayon sa admitting physician, si Garcia ay dumanas ng internal hemorrhage at ngayon ay comatose na.
Itinanggi ng mga organizer ng athletic meet at tournament manager na nagpabaya sila sa insidente at idiniing ito ay aksidente lamang.
Bunsod nito, iniatras ng Bulacan team ang lahat ng kanilang 10 amateur boxers mula sa tournament.
Iminungkahi rin ng team sa DepEd superintendent na alisin na ang lahat ng combative sports katulad ng boxing , taekwondo at arnis sa lahat ng athletic events ng DepEd.
HATAW News Team
