Thursday , March 28 2024

QCPD Making a Difference… naintindahan kaya ito ng PS 9?

MAGPAPASKO na …katunayan ay 16 araw na lang.

Pero ewan ko ba naman kung bakit mayroon pa rin tayong mga kababayan na imbes paghandaan nang marangal ang pagdiriwang sa kaarawan ng nagbuwis ng buhay para sa kasalanan ng sanlibutan, si Jesus Christ, hayun sinasamantala nila ang pagkaabala ng taumbayan.

Tinutukoy natin mga nananamantala ay itong masasamang elemento – iba’t ibang sindikato, mapa-bigtime o small time.

Si Jan Sinocruz, reporter ng Remate at isa sa director ng Quezon City Police District Press Corps (QCPDPC), ay nabiktima ng mga sindikatong “laglag barya gang” na kumikilos sa lungsod partikular sa area of responsibility ng QCPD Station 9 o marahil ng PS 10.

Sumakay siya ng  biyaheng Proj. 2 at 3 sa kanto ng EDSA at Kamias Road nitong Linggo (Disyembre 8) papuntang St. Joseph para doon sumakay papuntang Antipolo City naman.

Pagdating ng jeep sa kanto ng V. Luna at Kamias may limang lalaking sumakay.

Apat sa kanila ay sumakay sa loob habang ang isa ay sa harapan, kung saan nakaupo si Sinocruz.

Dahil sa kahinahinala ang kilos ng limang lalaki, minatyagan sila ni Sinocruz. Mamaya nang konti ay nabaling ang pansin ng mga pasahero sa loob ng jeep nang may mga baryang nalaglag (inilaglag) ng mga suspek. Maging ang katabi ni Sinocruz ay naglaglag din ng barya.

Hindi pinansin ni Sinocruz ang katabi niya at sa halip ay nakapokus siya sa nangyayari sa loob habang iyong katabi niya ay itinataas pa niya ang paa ni Sinocruz para kunin ang baryang inilaglag.

Pagdating sa kanto ng Anonas at Kamias (ilan metro lang ang layo sa PS 9) ay mabilis na nagsibabaan ang mga suspek at doon na rin nakita ni Sinocruz na wala na ang kanyang wallet at nakita na lamang niya sa upuan. Siguro iniwan na lamang ng suspek nang makitang walang laman. Kawawa naman si Sinocruz, walang-wala talaga. Malas ng nakatabi niyang suspek. He…he…he…

Pagdating sa Anonas Police Station ng jeep, bumaba si Sinocruz  at ipinaalam ang nangyari. Inaasahan ni Sinocruz na reresponde agad ang PS 9 pero hindi pala.

Heto ang sinabi ng hunghang na pulis sa kanya. Inamin kay Sinocruz na mayroon ngang laglag-barya na kumikilos sa lugar at marami nang nagsusumbong sa estasyon. Iyon naman pala e ba’t wala kayong aksyon diyan sa Station 9 ha Supt. Roberto Fiestas, PS 9 chief?

O di kaya, ba’t di agad nirespondehan ang fresh incident. Ano ba ‘yan! Akala ko ba  kakaiba ang QCPD ngayon.

Gen. Richard Albano, QCPD director, tila nakalimot na yata ang PS 9 na kakaiba ang QCPD ngayon. “QCPD Making a Difference?”

Heto pa ang sagot ng lespu kay Sinocruz, papaikutan na lamang daw nila ang lugar. Ngek!

Hoy responde agad ang kailangan. Ano hindi ba kayo well oriented kay Fiestas? Anak ng …pu…sa naman o.

Siguro ang mas maganda d’yan Gen. Albano to really make a difference ay sibakin mo na lamang ang hepe ng PS 9, mukhang nakalimot na kasi ang mga tauhan niya sa motto ng QCPD ngayon na making a difference.

Kunsabagay, infairness kay Fiestas baka naman hindi siya nagkulang sa mga tauhan niya pero, ano itong ipinakita ng mga bataan mo!

Responsibilidad mo pa rin iyan!

QCPD kakaiba ka nga!

Almar Danguilan

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *