Tuesday , May 28 2024

Parole ni Leviste gustong bawiin ni PNoy

121013_FRONTe

IKINAGULAT ni Pangulong Benigno “Noynoy” Aquino III ang parole na ipinagkaloob ng Board of Parole and Pardons (BPP) kay dating Batangas Gov. Antonio Leviste.

Sinabi ni Pangulong Aquino, bagama’t sinasabing nasunod ang proseso at nilalaman ng batas ngunit baka may mali sa pagpapatupad ng “spirit of the law.”

Ayon sa Pangulong Aquino, paano masasabing nagpakita ng “good conduct” si Leviste gayong nasa labas ng kulungan habang isinisilbi ang hatol.

Bukod dito, naging kontrobersyal din noon si Leviste matapos mabulgar na nakapaglalabas-masok siya sa National Bilibid Prison.

Kaugnay nito, iniutos ng Pangulong Aquino ang pag-review para mabawi ang parole kay Leviste.

Paliwanag ng Presidente, kaya niya ipinarerepaso ang iginawad na parole kay Leviste upang mabatid kung maaari pa itong mabawi.

Si Leviste ay nahatulan ng 12-taon pagkakakulong sa kasong pagpatay sa kaibigan at aide na si Rafael de las Alas.

Noong 2011, muling naging kontrobersyal si Leviste matapos mahuling labas-masok sa Bilibid.

Ngunit ayon sa Parole and Probation Administration, inabswelto ng Makati Regional Trial Court si Leviste sa kasong evasion of service of sentence o paglabag sa Article 157 ng Revised Penal Code.

PAROLE KAY LEVISTE LEGAL — DoJ

Kombinsido si Justice Secretary Leila de Lima na lehitimo ang pinagbatayan ng Board of Pardons and Parole (BPP) sa paggagawad ng parole kay dating Batangas Governor Antonio Leviste, kaya napalaya sa National Bilibid Prison (NBP) noong nakalipas na linggo.

Dalawang oras na pinulong ni De Lima ang mga opisyal ng Bureau of Corrections at BPP kahapon, kasunod ng utos na imbestigasyon ni Pangulong Aquino sa paglaya ni Leviste.

Sa kanilang pagpupulong, nanindigan ang BPP na nakatugon si Leviste sa lahat ng requirement para sa parole.

Hindi ginawang batayan ng disqualification sa kanyang parole ang nabuking na paglalabas masok niya noong 2011 sa NBP dahil inabswelto siya ng hukuman sa kasong evasion of service of sentence.

Kaugnay sa administratibong pananagutan ni Leviste dahil sa kanyang paglalabas-masok sa Bilibid, pinatawan na siya ng Board of Discipline ng NBP ng parusang grave misconduct.

Bahagi ng penalty ng Board of Discipline ay ang pag-aalis sa ilang pribelehiyo ni Leviste bilang bilanggo, ang kanyang galaw sa loob ng Bilibid ay hinigpitan at ibinawas din ito sa kanyang good conduct time allowance.

(leonard basilio)

About hataw tabloid

Check Also

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Drug den sinalakay MAINTAINER, 3 GALAMAY TIKLO

Drug den sinalakay
MAINTAINER, 3 GALAMAY TIKLO

Sinalakay ng mga tauhan ng Philippine Drug Enforcement Agency (PDEA) ang isang lugar sa lungsod …

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

MATAGUMPAY na idinaos ng Department of Trade and Industry (DTI) ang pasinayang pagtatanghal ng ‘Pustura,’ …

Leave a Reply

Your email address will not be published. Required fields are marked *