Tuesday , January 25 2022

P20-M tanso ‘mitsa ng buhay’ ng 3 kelot sa container van

MASUSING imbestigasyon ang isasagawa ng Taguig police sa utos ni Southern Police District (SPD) Director Chief Supt. Erwin Villacorte, kaugnay sa pagpatay sa driver at dalawang pahinante ng isang trucking firm noong Biyernes ng gabi sa Taguig City.

Inimbitahan din nina SPO1 Darwin Allas at PO3 Ricky Ramos ng Homicide Section ng Taguig police, ang security guard na si  Joerico Pantaleon, nakatalaga sa Great Circle Holdings, Inc., San Antonio Drive, Bagumbayan, na sinasabing nakita umano ng ilang testigo na huling bumaba sa Isuzu truck van na kinatagpuan sa tatlong bangkay.

Sina Reynaldo Cabalan, 49, driver;  at mga pahinanteng sina Rojin Mesias, 35; at Jayson Andahan, 22; mga empleyado ng MECC Trucking na may tanggapan sa 224 Lakandula, Tondo, Maynila ay natagpuan sa loob ng van na may mga saksak at tama ng bala sa iba’t ibang bahagi ng katawan.

Nakatali ng nylon cord ang mga kamay at paa ng mga biktima, pinuluputan ng alambre ang leeg at binusalan pa ng medyas si Cabalan.

Pinaiimbestigahan ni Villacorte ang pahayag sa pulisya ni Cynthia Navarro, 56, manager ng naturang trucking na magkakarga ng mga tanso na nagkakahalaga ng P20 milyon ang mga biktima na dadalhin sa Pier 15 at isasakay sa barkong pag-aari ng 2Go Shipping Lines.

Sisiyasatin din nina PO3 Erick Escoba at PO2 Victor Amado Biete kung naikarga ba ng mga biktima ang mga kargamento bago nangyari ang krimen dahil ang tatlong bangkay lang ang laman ng container van na nakaparada sa panulukan ng Sta Maria Drive at 1st Avenue TBCI, Bagumbayan, dakong 8:30 ng gabi.

Nilinaw ng mga imbestigador na hindi pa nila itinuturing na suspek si Pantaleon at isasailalim lamang ito sa imbestigasyon para malaman kung bakit itinuro siya ng ilang testigo na nakitang bumaba mula sa container van.

(JAJA GARCIA)

About hataw tabloid

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply