ISA-ISANG iniinspeksyon nina Bureau of Customs Commissioner Ruffy Biazon, ESS Operation Chief Regie Tuazon at NAIA District Commander Spas Marlon Almeda ang iba’t ibang klase ng matataas na baril at bala na inabandona sa kanilang kustodiya sa NAIA Airport Pier Cargo, mula pa noong Pebrero 9, 2012. (BONG SON)
[divider]
SINAMSAM ng Bureau of Customs (BoC) sa isang wareshouse ang anim na assault rifles na nauna nang nabisto ng ahensya may mahigit isang taon na ang nakararaan.
Ipinakita sa mga mamamahayag ni Customs Commissioner Ruffy Biazon ang sinamsam na long firearms kabilang ang dalawang piraso ng Colt Defense; apat pirasong M4 carbine; 30 pirasong magazines; apat pirasong upper receiver bolt at apat pirasong buttstock at buffler assembly.
Sinabi ni Biazon, ang nasabing assault rifles ay nasabat noon pang taon 2011matapos mapunta ang shipment sa isang pekeng consignment kaya dinala ito sa Pair Cargo warehouse.
Nagkaroon ng bagong pamumuno sa nasabing warehouse kaya nagkaroon ng inventory hanggang idineklarang pwede nang i-dispose ang nasabing assault rifles, dagdag pa ng BoC chief.
Naka-consign ang nasabing kargamento para sa Philippine National Police (PNP) ngunit walang framework para rito, hanggang tuluyan itong inabandona.
(LEONARD BASILIO)
