Vivian, in ngayon ang career

PARANG hindi akalain ni Vivian Velez ang mga suwerteng dumarating sa kanya ngayon. Kinuha siyang suporta ng ABS-CBN para kay Jessy Mendiola sa teleseryeng Maria Mercedes.

Masaya si Vivian, magagamit niya kasi ang mga pinamiling damit noong nasa abroad na puro signature. Magkasundo rin sila ni Jessy sa taping at mabait daw ang dalaga.

Hindi totoo ang mga bulong-bulungan na lumaki na ang ulo ni Jessy. Imagine, nakapila ang mga ibig manligaw sa dalaga.

Dagdag kasiyahan ni Vivian ang manalong best actress sa indi films. Hindi mga screen giant ang kasamang artista sa movie pero humakot ng award sa film festival. Ano pa nga ba ang kulang kay VV? Lalaking magmamahal ng matagal na syang mayroon noon. Hindi lang showbiz guy na mahilig sa publicity.

Vir Gonzales